Coppélia - Eng ongewéinlech Popp

Théâtre musical - Kammerata Luxembourg. Wat, wann eng Popp esou lieweg wier, datt ee mengt, si kéint danzen, laachen - a vläicht esouguer Léift empfannen? Eng Popp, déi sou echt ausgesäit, datt een sech a si kéint verléiwen? An dëser zauberhafter Opféierung erzielen eng Dänzerin, eng Erzielerin a véier Museker eng spannend Geschicht voller Iwwerraschungen - iwwer d’Swanilda, de Franz an e geheimnisvollt Meedchen um Balcon. Mat der wonnerschéiner Musek vum Léo Delibes an enger fantasievoller Inzenéierung, an där d’Zuschauer selwer Deel vun der Geschicht ginn, entsteet e magescht Erliefnis fir déi ganz Famill. Mat engem klengen Clin d’œil, engem Hauch vu Magie - an där grousser Fro: Wat ass wierklech echt?